देवा

देवा तुझे जरी सुंदर आकाश
मी तुझा प्रकाश
अंधारी का——————ll १ ll

सुंदर वेलींना सुंदर हि फुले
माझीच का मुळे
खुडलेली ——————-ll २ ll

साखरेचे खाई त्याला तूच देशी
मी का रे उपाशी
तुझ्या घरी ——————ll ३ ll

भिकारी तुही तुझ्या आईविना
माझ्या का वेदना
जाणेनाशी ——————ll ४ ll

काठीला तुझ्या आवाजच नाही
तरी त्राही त्राही
करावे मी- —————–ll ५ ll

जगावीशी असा मला कशासाठी
रोज गाठीभेटी
मरणाच्या- —————-ll ६ ll

कोणाचा मी कोण मला ना ठाउकें
सारे जग मुके
बोलेचिना —————–ll ७ ll

आवडतो तुज जो आवडे सर्वांना
मी कुठे उणा
सांग बाप्पा —————ll ८ ll

किती देवराया पाहशील अंत
मी हा गुणवंत
झाकोळलो —————ll ९ ll

….. मी मानसी