तुझ्या अश्रुंच्या चांदण्यांना आवर….
माझ्या ओंजळीतल्या उन्हात पाघळतील…
तुझ्या अवखळ बटांना सावर…
माझा हलकेच घात करतील…
करू नकोस विषयांच्या शरांचा भडीमार…
सावरता येणार नाही स्वतःला…
मोहोर यौवनाचा सांभाळ
भ्रमिष्ट व्हायचं नाहीये मला….
स्ञीत्वाचा अंगार जपून ठेव थोडासा…
आहुती होण्याचं भान राहील मला….
मंञमुग्धतेची मशाल थोडीशीच पाजळ…
भोवतालचा तुझ्याच नुसता
आसमंत व्हायचं नाहीये मला…
बेगडी सौंदर्या च्या
सीमा पार कर जरा….
आश्वस्त, आधाराचा हात देईन तुला…
© लीना राजीव.
— सौ. लीना राजीव देशपांडे
