गर्भातील आत्मा

मातेच्या उदरांत असतां, जाण असते त्या जीवाला,

प्रभूचाच मी अंश आहे, सांगत असतो तो सर्वाला…१

 

सो s हं चा निनाद सतत,  कानास आमच्या ऐकूं येतो,

‘तो’ मीच आहे शब्दाने, आत्म्याचेच अस्तित्व सांगतो…२

 

मातेच्या उदरांतूनी बाहेरी, पडतां स्वतंत्र जन्म मिळे,

नाश पावूनी साऱ्या स्मृति,  स्वत:सहित विसरे सगळे….३

 

आतां त्याचा निनाद ‘को..हं’,  प्रश्न युक्त तो भरला असे,

“मी कोण आहे ?” विचारी सर्वां,   उलघडा त्यास होत नसे…..४

 

जाणून घेण्या स्वत: विषयीं,   सारे आयुष्य खर्च करती

पूनरपि येतां स्मृति त्याला,  प्रभूमय हे  सारे भासती …. ५

 

डॉ. भगवान नागापूरकर

९००४०७९८५०

bknagapurkar@gmail.com