मन मुक्त मोकळे

तू तर काहीच कसे बोलत नाही
ना सुख, ना दुःख सांगत नाही

मन, नेहमी मुक्त मोकळे करावे
भावनांचा उद्वेग त्रस्त करत नाही

जगती जगणे हे क्रमप्राप्त आहे
तटस्थतेत, मना मन:शांती नाही

सहोदरी भावनांच निश्चिंती आहे
अलिप्ततेत जीवनी सुखदा नाही

पराधीनता हा जीवाला शाप आहे
भोग भोगण्या दूजा उ:शाप नाही

तो एक अनामिक सृष्टिचा निर्माता
त्या शरण जाण्यावीण पर्याय नाही

मित्रत्वाचा सुखद संवाद चैतन्यदायी
त्यावीण इथे जगण्यासही अर्थ नाही

— वि. ग. सातपुते. (भावकवी)

9766544908

रचना क्र १३९.

२२ – ५ – २०२२.