प्रेमाचा उगम

दाखवू नकोस प्रेम तुझे उपरेपणाच्या भावनेने  ।
तसेच मिळेल परत तुला केवळ वाणीच्या शब्दाने  ।।

कंठामधूनी भाष्य निघाले आदळे कर्णपटावरी  ।
प्रेमाचा बघूनी ओलावा परिणाम होई मनावरी  ।।

शब्द निघता हृदयामधूनी झेप घेई हृदयस्थरावरी  ।
आत्म्याची तळमळ भिडते आत्म्याच्या गाभ्यावरी  ।।

खोलवर आणिक जाता ईश्वर बिंदूत विलीन होतो  ।
सत्याचा शोध लागूनी आनंदाचा पाऊस पडतो  ।।

डॉ. भगवान नागापूरकर
९००४०७९८५०
bknagapurkar@gmail.com