सदृढ शरीरी चिंतन

योजना तुमची चुकून जाते,  जीवनाच्या टप्प्याची  ।
अखेरचा क्षण जवळीं येतां,  आठवण होते त्याची  ।।

जोम असतां शरीरीं तुमच्या,  करीता देहासाठीं  ।
वृद्धत्वाचा काळ तुम्हीं ठेवता,  ईश चिंतना पोटीं  ।।

गलित होऊनी गेली गात्रे,  अशांत करी मनां  ।
एकाग्रचित्त होईल कसे तें,  मग प्रभू चरणां  ।।

दवडू नका यौवन सारे,  ऐहिक सुखामागें  ।
त्या काळातील प्रचंड ऊर्जेस,  लावा सत्कर्मे  ।।

सदृढ असते शरीर जेव्हां,  एकाग्र करा चित्त ।
मिळणाऱ्या ऊर्जेला, खर्च करा योग्य चिंतनांत  ।।

डॉ. भगवान नागापूरकर
संपर्क – ९००४०७९८५०
bknagapurkar@gmail.com