शक्य आहे का ते ?

आज हे आकाश मजला,
थोटके का भासते  ।
झेप घेण्या पंख फुटतां,
हाती येईल काय ते ?।।१।।

 

उंच हा गिरीराज देखूनी,
शिखर चढावे वाटते  ।
चार पावले टाकतां क्षणी,
चढणे सोपे काय ते ? ।।२।।

 

अथांग सागर खोल जरी ,
डूबकी घ्यावी वाटते  ।
जलतरण कला अवगत होता,
सूर मारणें जमेल कां ते? ।।३।।

 

काव्य सरिता वाहत आहे,
ज्ञान गंगोत्री भासते  ।
केवळ कविता चार रचूनी,
त्यात डुबणे शक्य कां ते? ।।४।।

 

डॉ. भगवान नागापूरकर 
९००४०७९८५०
bknagapurkar@gmail.com