स्वच्छंदी जीवन

चिमण्या आल्या दोन कोठूनी,  बांधून गेल्या घरटे  ।
खेळूनी नाचूनी,  चिव चिव गाणे गात वाटे  ।।

झाडावरती उंच बसूनी,  रात्र घालवी हलके हलके  ।
दाणा टिपणे पाणी पिणे, स्वछंदाचे घेवूनी झोके  ।।

संसार चक्र  भोवती पडता,  गेल्या दोघी त्यातच गुंतूनी  ।
नव पिल्लाच्या सेवेसाठी,  घरटे केले काड्या आणूनी  ।।

पिल्लांना त्या पंख फूटता,  उडूनी गेल्या घरटे सोडूनी  ।
अल्प काळाचे बंधन तोडीत,  जगण्या पुनरपी स्वच्छंदानी  ।।

डॉ. भगवान नागापूरकर
९००४०७९८५०
bknagapurkar@gmail.com