रताळ्याचा शिरा

साहित्य-

सव्वा कप किसलेले रताळे

२ टीस्पून साजूक तूप

२ कप दूध

३ टेबल स्पून साखर

अर्धा चमचा वेलची पूड

२ टेबलस्पून ताजा खवलेला नारळ

सजावटीसाठी बदामाचे काप

कृती-

प्रथम रताळे सोलून व किसून घ्यावे. रताळे किसून न घेता उकडून घेऊन कुस्करुन घेतले तरी चालतील. एका कढाईत तूप गरम करावे, त्यात किसलेले रताळे घालून नीट परतून घ्यावे. रताळ्याचा रंग जरा बदलल्यावर त्यात दूध घालावे व एक उकळी येऊ द्यावी. उकळी आल्यावर त्यात साखर घालावी व नीट एकजीव करून घ्यावे. रताळी चांगली शिजून द्यावी. हा शिरा थोडा ओलसरच ठेवावा व लागल्यास दूध किंवा पाणी घालावे. यात खवलेला नारळ, वेलची पूड व बदामाचे काप घालावेत व गॅस बंद करावा.

— सौ.सुरेखा कुलकर्णी