October 2022

वाटते सारे विसरुनी जावे परी आठव व्याकुळ करते… श्वासात रुतलीस तूं अशी तुज उसविणे जीवघेणे असते… रुधिरातील तुझीच सळसळ लोचनातुनी अविरत पाझरते… सांग कसे, तुज भुलुनी जावू स्मरण तुझेच जगवित असते… विस्मरणे कां असे इतुके सोपे अंती सरणीही ते सोबत असते वि.ग.सातपुते.( भावकवी ) (976654908 ) रचना क्र. २६९ २३/१०/ २०२२

समर्थ रामदासा , प्रेरणेच्या स्रोता – तुला दंडवत ! मला शक्ती दे, सामर्थ्य दे ! मानवजातीवर तुझा कृपाप्रसाद अविरत असू दे ! हे गुरु समर्था, मला तुझ्या समीप ठेव ! उत्तम पुरुषांचे गुण आत्मसात करू दे ! सत्याच्या पथावर प्रकाश दाखव ! माझ्या अंतर्मनातील दिव्यत्व उजळू दे ! हे थोर समर्था, मला आणी सर्वांना मार्गदर्शन कर- […]

सारा असतो फक्त दिखावा मृगजळा सारखी सारी नाती कुणीच नसते, कधी कुणाचे इथे स्वार्थापोटी जुळती नाती दिल्याघेतल्याचे हे जग सारे त्याविण कां? कुणी सांगाती भाव लोचनी भोळे, भाबडे भरोसी, जीव जातो गुंतुनी गळाभेटी, दिखावा पोकळ पण हे सारेच कळते सर्वांती विकलांग होती श्वास जेंव्हा जीव कासवीस होतो एकांती –वि.ग.सातपुते( भावकवी ) 9766544908 रचना क्र.२६८ २२/१०/२०२२