झगडणारे जीवन

गर्भामधूनी बाहेर पडतां,

स्वतंत्र जीवन मिळे  ।

जीवन रस हा शोषित होती,

आजवरी त्याची मुळे  ।।१।।

 

निघून गेला पदर मायेचा,

डोईवरूनी त्याचा  ।

झेप घेयी तो आज एकला,

पोकळीत नभाच्या  ।।२।।

दु:ख क्लेशाचे वार झेलले,

कुणीतरी त्याचेसाठीं  ।

आज दुवा नसता

सारे पडती पाठी  ।।३।।

तेच रक्त परि फिरत होते,

शरीरी त्याच्या सारे  ।

वंशाने जे मिळे त्याला,

जीवन झगडा देणारे  ।।४।।

 

–डॉ. भगवान नागापूरकर
९००४०७९८५०
bknagapurkar@gmail.com