नाम मार्ग

ईश्वर आहे नामांत परि,

नाम कुणाचे घेता?

विठ्ठल हरि पांडूरंग वा

अल्ला येशू असतां   ।।१।।

 

असंख्य त्याची नामे असतां

एकच आहे भगवान  ।

कांहीही म्हणता येईल तो,

त्याची करीतां आठवण  ।।२।।

 

आठवणीतच तो लपला आहे,

दिसत नाही कुणा  ।

रुप कुठलेही स्मरा,

दिसेल तुमच्या नयना  ।।३।।

 

रंग रूप आणि आकार देणे,

असते सोई साठी  ।

एकाग्र करण्या चंचल चित्ता,

सारे कामी येती  ।।४।।

 

निर्गुण निराकार भासतो,

एकाग्र होता चित्त  ।

नाम मार्ग हे लय आणूनी,

हेच असते  साधीत  ।।५।।

 

डॉ. भगवान नागापूरकर

९००४०७९८५०

bknagapurkar@gmail.com