मर्यादा

मर्यादेचा बांध घालूनी,  मर्यादेतचि जगती सारे  ।
अनंत असता ईश्वर ,  मर्यादा घाली त्यास बिचारे  ।।

जाण जगाची होई इंद्रियांनी,  त्याला असती मर्यादा  ।
विचार सारे झेपावती,  ज्ञान शक्ती बधूनी सदा  ।।

अथांग वाटे विश्वमंडळ,  दाही दिशांचा भव्य पसारा  ।
ईश्वर आहे थोर त्याहूनी,  मोजमापाच्या उठती नजरा  ।।

कशास करीतो तुलना सारी,  भव्य दिव्यता आम्हा दाखवूनी  ।
अज्ञानाने पडती मर्यादा,  अनंत तत्वास त्याच क्षणी  ।।

— डॉ. भगवान नागापूरकर
९००४०७९८५०