बाह्य अडथळे

एकाच दिशेने जातां,

प्रभू मिळेल सत्वरी,

रेंगाळत बसाल तर,

गमवाल तो श्री हरी ।।१।।

 

तुम्ही चालत असतां,

अडथळे येती फार,

चालण्यातील तुमचे,

लक्ष ते विचलणार ।।२।।

 

ऐष आरामी चमक,

शरिराला सुखावते,

प्रेम, लोभ, मोह, माया,

मनाला ती आनंदते ।।३।।

 

शरिराचा दाह करी,

राग द्वेष अहंकार

मन करण्या क्षीण,

षड् रिपू हे विकार ।।४।।

 

सुख असो वा ते दु:ख,

बाह्यातील अडथळे

सारेच सारता दूर,

प्रभू तुम्हास मिळे ।।५।।

 

डॉ. भगवान नागापूरकर

९००४०७९८५०