स्मृतीलहरींच्या हिंदोळी

स्मृतीलहरींच्या हिंडोळ्यावरी
तनमन झुलते , हरिच्या गोकुळी।।धृ।।

ब्रह्म ! मुरलीधरी हरि सावळा
मधुरम , मंजुळ घुमवी बासुरी
प्रसन्न ! गोकुळी राधाच बावरी
छुमछुम , छुमछुम छंद गोकुळी।।१।।

नादब्रह्म ! चराचरी हरेगोविंद
हरे , हरेराम , रामकृष्णगोविंद
हरिकृपाच ! तोषवीते आगळी
देवकीनंदन यशोदेच्या गोकुळी।।२।।

प्राजक्त ! डुले सत्यभामा द्वारी
सडा फुलांचा रुक्मिणी अंगणी
प्रीतीच निर्मळ , देवत्व निर्मळी
साक्ष ! अनामिकाची ही आगळी।।३।।

पुण्यप्रदी , अगम्य भूलभुलैया
द्वैत , अद्वैताचे नि:सिम मिलन
त्रिलोकी ! स्वर्गानंदाची उधळण
कृपा ! सर्वेश्वराची हीच गोकुळी।।४।।

–वि.ग.सातपुते.(भावकवी)

9766544908

रचना क्र. १४०

३० – १० – २०२१.