वाजपेयींची मृदूवाणी
अडवाणींची अडवाणी
संघाची एक वाणी
भाजपची केविलवाणी
सोनियांची सोन वाणी
राष्ट्रीयांची टंगळ मंगळ वाणी
लालूची बडबड वाणी
मायावती ची माया वाणी
मुल्ला मुलायमची मुलायम वाणी
ललिताची धमकावणी
प्रमुखांची गुरकावणी
ममताची रुसु बाई वाणी
पडद्याआडची चंद्रावाणी
वीरप्पन ची मिशाळवाणी
दाऊदची आतंकवाणी
मुशर्रफ मग्रूरवाणी
बुशची धमकावणी
सद्दाम ची उद्दाम वाणी
सारी बोल घेवड्यांची वाणी
सारी वाचीवीरांची वाणी
काही नाही तिच्यात पाणी
वाणी वाणी एकच वाणी
स्वातंत्र्यवीरांची
हुतात्म्यांची
देशभक्तांची राष्ट्रवाणी
— विनायक अत्रे.
दिनांक: १३/०१/२००३.
(ममता- ममता बॅनर्जी, ललिता- जयललिता तामिळनाडू मुख्यमंत्री, चंद्रा- चंद्राबाबू- आंध्र मुख्यमंत्री, प्रमुख- शिवसेनाप्रमुख, मुलायम- मुलायमसिंग यादव, मायावती- मध्यप्रदेश मुख्यमंत्री, दाऊद- दाऊद इब्राहिम स्मगलर, मुशर्रफ- पाकिस्तान अध्यक्ष)
Leave a Reply