आजपासून दीपावली

दीपावली म्हणजे आपल्या आयुष्याला आकार देणारे एक प्रकाशपर्व ! आनंदाचा मंगलमय अमृतकलश घेऊन येणारे जीवनातील अनमोल क्षण !नवी स्वप्ने , नव्या आकांक्षा यांना मिळणारी सुवर्ण झळाळी म्हणजे हा दीपोत्सव ! आपल्या जगण्याला नवीन भान देणारी , आपल्या तनमनात वज्रशक्ती पेरणारी , नवसृजनाला आवाहन करणारी तेजाची आरती म्हणजे हा दिव्यांचा सण !

या तेजाला आवाहन करणारे हे गीत !

तेजाचे गीत नवे , गात येती लक्ष दिवे ।
वज्रशक्ती तनमनात , जगण्याला भान नवे ।।

भू मंडळ हीनदीन ।
तडफडतो जळी मीन ।

घरोघरी आतुरले मोहरण्या ऋतु हिरवे ।
वज्रशक्ती तनमनात जगण्याला भान नवे ।।१।।

उजळाव्या दाही दिशा ।
सृजनाची नवी आशा ।

दिव्य सूक्त गात गात गगनाला जिंकावे ।।
वज्रशक्ती तनमनात जगण्याला भान नवे ।।२।।

अंतराळ उजळावे ।
कळीकाळा पळवावे ।

रिपुदमना मन समर्थ अंतरास मनवावे ।।
वज्रशक्ती तनमनात जगण्याला भान नवे ।।३।।

डॉ . श्रीकृष्ण जोशी
आणि परिवार
रत्नागिरी
९४२३८७५८०६

।। दीपोत्सवाच्या हार्दिक शुभेच्छा ! ।।