आला पाऊस…..

 

पावसाची वाट बघता बघता

सरी लागल्या कोसळू

राने झाली हिरवीगार

नद्या लागल्या ओसंडू !

 

वाऱ्याची थंड झुळूक

करी मना आनंद

सगळा आळस क्षणात

जाई कुठे पळून !

 

मोरांचे थुईथुई नाचणे

सांगत होते आले मेघ दाटून

बरसला मनसोक्त

हातचे काही न राखून !

 

घरांच्या छपरावरून वाहणारे पाणी

पडत होते पाघोळ्यांनी अंगणात

प्रत्येक थेंबाचे होत होते बुडबुडे

साचलेल्या पाण्यात !

 

बुडबुड्यांचे वेगळे विश्वव

वेगळी चमक, आकार आणि रंग

थरथरणारे इंद्रधनुष्य

आणि न मावणारे जग !

 

बुडबुड्यांच्या फुटण्याचा एक वेगळाच नाद

वाटत होते एकमेकांशी करीत असावेत संवाद

एकमेकांच्या बोलण्याचे शब्द पडले कानात

वर्षानंतर भेटलो करावया पुन्हा सुसंवाद !

 

खळखळणाऱ्या नद्यांचे फेसाळणारे पाणी

ओसंडत होते धबधब्यातून

चिंब भिजताना

त्या आठवणी जाग्या झाल्या मनातून !

 

जगदीश पटवर्धन