अपूर्ण जीवन

सोडून दे अहंकार तुझा,
लाचार आहेस आपल्या परि,
पूर्ण जीवन तुला न मिळे,
न्यूनता राहते कांहीं तरी ।।१।।
धनराशी मोजत असतां,
वेळ तुजला मिळत नसे,
शरीर संपदा हाती नसूनी,
मन सदा विचलित असे ।।२।।
शांत झोपला कामगार ,
दगडावरी ठेवूनी डोके.
देह सुदृढ असूनी त्याचा,
पैशासाठी झुरतां देखे ।।३।।
उणीवतेचा कांटा सलूनी,
बाधा येत असे आनंदी,
म्हणून खरे समाधान ,
लाभत नसते मग कधी ।।४।।

डॉ. भगवान नागापूरकर
संपर्क – ९००४०७९८५०
bknagapurkar@gmail.com