अशी कशी तुझ्या प्रेमात मी पडले

व्याकुळ आठवणीत काहूर उठले

येते तुझी आठवण रोज क्षणोक्षणी

डोळे ओले होतात तुझ्या साठवणीत

अशी कशी तुझ्यात मी हलकेच गुंतले

तुझ्या मिठीचे चांदणे अलगद मज लुटले

असे कसे मन तुझ्यासाठी आतुर होते

तुला नाही कळले ते भाव ओले हळवे

असा कसा तू मोह सांडून दूर गेला

अलवार तुझ्या मिठीचा स्पर्श मागे उरला

असे कसे बंध तुझ्यात रडवून मज गेले

सोड रे अबोला सारा तुझ्यात भाव गुंतले

असा कसा रे तू मज तोडून गेला

घट्ट मिठीत तुझ्या आठवणी गुंतल्या

अशी कशी राधा बासरीत धुंद झाली

आठवण तुझी छळते रोज सांज कातरवेळी

सोड रे हा दुरावा आठवण तुझी येते

तुझ्यात रोज मी आल्हाद अबोल तुटते

अशी कशी चांदणी अलवार लोपली

तुझ्या ओढीत वाट मी कितीक पाहिली

आकाश चांदण्यांत चंद्रकोर सजली

वाट तुझी पाहते एक अबोल चांदणी

— स्वाती ठोंबरे.