आशिर्वाद

घक्के देऊन आली   धरणीकंप करुन
भावना मनीं चमकली    बनेल ही महान   ।।

बालपणाची मुर्ति   गोंडस तुझें भाव
तेज चेहऱ्यावरती   घेती मनाचे ठाव   ।।

शाळेतील जीवन   दाखवी मार्ग विजयाचे
सर्वामध्यें चमकून   प्रमाण मिळे यशाचे   ।।

एकाग्रचित्त करुनी   मिळवलेस तूं यश
प्रतिष्ठा टिकवूनी   असेच जा सावकाश   ।।

विजे सारखी चमकूनी    झेप घे नभांत
प्रकाशमान होऊनी   यशस्वी हो जीवनांत   ।।

एका गोष्टीची जाण   असावी तुझ्या मनीं
मिळण्यास हा मान    पाठीराखे आहेत इतर कुणी   ।।

डॉ. भगवान नागापूरकर
संपर्क – ९००४०७९८५०
bknagapurkar@gmail.com