भास

चमचम चमकते नाणें    दूरी वरुनी दिसले ।
चांदीचे समजूनी    मन तयावर झेपावले ।।१।।

निराशा आली पदरीं    जाणतां तुकडा पत्र्याचा ।
खोटी चमक बाळगुनी    फसविणे  गुणधर्म तयाचा ।।२।।

भास ही चेतना  ती    तर्क वाढीवी कसा ।
दिसून येई सदैव   मनावर जो उमटे ठसा ।।३।।

ठसे उमटती संस्कारांनीं    बघतां भोवती सारे ।
मनावर बिंबून जाते    आणि भासते तेच खरे ।।४।।

दिसून येतो ऊर्जा वापर    देह, बुद्धी वा मनीं ।
संस्काराचे बीज अंकुरते    परिस्थिती बघूनी ।।५।।

डॉ. भगवान नागापूरकर
९००४०७९८५०
bknagapurkar@gmail.com