कविता-गझल-चारोळी-वात्रटिका

परवलीचाच शब्द आता हे माझे अन तेही माझे स्वार्थाचा हव्यास आगळा जे आहे ते सारे माझे खरे कुणाचे काही नसते तसे जगणेच ठरते ओझे प्रेमभाव एक बाजार आता नाते एक कर्तव्याचे ओझे सत्य केवळ श्वास क्षणाचा अंती कळते रिक्तपण माझे जेंव्हा होई जीव कासाविस विसरूनी जाते तुझे माझे ******** — वि.ग.सातपुते (भावकवी) (9766544908)  रचना क्र. ३०८ […]

वंदन वंदन त्या विभूतीला.. मानवतेच्या महामानवाला..।। धृ ।। जो जाणतो अर्थ मानवतेचा.. मानव! एकच धर्म मानवी.. सर्वाठायी एकची आत्मा.. वंदन वंदन त्या विभूतीला..।।..१ विवेकीनिधर्मी,चारित्र्यागृही.. स्पृश्यास्पृश्यतेचा, विरोधक.. जगती, मानवतेचाच पुजारी.. वंदन, वंदन त्या विभूतीला..।।..२ प्रज्ञावंती, नितीज्ञ तो सहिष्णू.. मानवी संस्कृतीचा अध्यापक.. बुद्ध! आगळाच परिवर्तनाचा.. वंदन, वंदन त्या विभूतीला..।।..३ भारतीय संविधानाचा उद्गाता.. जगतवंद्य! हा श्रेष्ठमहामानव.. अमर, देशभक्त भारतभूमीचा.. […]

गहिवरलेल्या अव्यक्ताला भावनांचा फुटतो पाझर भेटीसाठी आसुसलेले शब्दशब्द होती अनावर उलघाल अधरी मौनाची नेत्री दाटुनी येते अंबर सावळबाधी धूसर सारे कातरवेळ कातर कातर व्यथा मनीची बावरलेली तरी प्रसवते काव्य सुंदर शब्दाशब्दांची ओढ़ लाघवी सुखावतो हा जीव निरंतर ********* — वि.ग.सातपुते (भावकवी) (9766544908)  रचना क्र. ३०७ २६/११/२०२२

न बोलताच ती निघुनी गेली मी उमजायचे उमजूनी गेलो कळलेच नाही तीचे वागणे आठवणीत मी जगत राहिलो घडायचे ते ते घडुनी गेले मौनाचा अर्थ मी लावित गेलो तिच्याच लोचनी भाव नि:शब्दी मी उमजायचे उमजूनी गेलो पराधीनता हा शाप जीवनी व्यर्थ जगणे जगी जगत राहिलो आज अव्यक्ताचे गूढ उकलले हेच समाधान मानित राहिलो ********* — वि.ग.सातपुते (भावकवी) […]

प्रत्येकाचेच जग वेगळे सुखदुःखही वेगवेगळे संवेदनांची जाणीव एक तिथे नसते काही वेगळे सृष्टीही सारी एकसारखी काही नसते कुठे वेगळे ऋतुंचे आविष्कार सारखे सुखावणारे क्षण आगळे नित्य पांघरित चैतन्याला भोगावे जगण्याचे सोहळे जन्म मरण हे एकची सत्य याहुनी जीवन नाही वेगळे जीवाजीवा सुखवित जावे कृतार्थ जीवन हेच आगळे — वि.ग.सातपुते (भावकवी) (9766544908)  रचना क्र. ३०५ २५/११ २०२२

आता काय बोलायाचे आता काय ऐकायाचे घडणारे ते घडूनी जाते सारे समजून घ्यावयाचे तडजोडित, मन:शांती शल्य कुणास सांगायाचे स्वप्नी आठवांचे मोहोळ सांगा ? कसे थोपवायचे ऋणानुबंध गतजन्मांचे सारे सावरित जगायाचे मैत्र! निर्मोही सावरणारे तेच सदा अंतरी जपायचे मुक्तिचाच ध्यास जीवाला हरिनामात सुखी रमायचे — वि.ग.सातपुते (भावकवी) (9766544908)  रचना क्र. ३०४ २५/११/२०२२

तू माळल्या बकुळीचा गंध अंतरात दरवळतो अजुनही आली कित्येक बेधुंद वादळे स्मरण तुझे अंतरी अजुनही सारेसारे आजही तसेच आहे मी न काही भुललो अजुनही जिथे जिथे जाते नजर माझी तुझेच ते ध्यासभास अजुनही तूच रुजलिस अशी हृदयांतरी स्पंदनी चैतन्य तुझेच अजुनही ******** — वि.ग.सातपुते (भावकवी) (9766544908)  रचना क्र. ३०३ २४/११/२०२२

तुझे हास्य मधुरम लाघवी शमविते या विरह वेदनांना मी आजही जगतोच आहे आठवित तुझ्या आठवांना झुळझुळती शब्द अबोली जागवीती अंतरी भावनांना उमलुनी येते एकेक कविता शमविते अंतरीच्या वेदनांना शब्दा शब्दात तुझे प्रसवणे जाणवते अक्षरात गुंफताना उमजतो मौन मी अंतरातले आठवीत तुझ्याच आठवांना ******** — वि.ग.सातपुते (भावकवी) (9766544908)  रचना क्र. ३०२ २३/११/२०२२

दिंडीत वैष्णवांच्या धावघावती पाऊले या लोचनी एकची परब्रह्म उभे सावळे… नादात टाळमृदंगाच्या सारे विठ्ठलनामी रंगले तनमन विठ्ठल विठ्ठल सारे वाळवंटी रमलेले… शुन्यात सत्य ब्रह्मरूप विटेवरी रुपडे सावळे राऊळ, गाभारी त्राता अंत:पुर! उद्धारलेले… देवा नको रे येणेजाणे मन तुझ्यात रे तृप्तले संतत्वात तुझीच साक्ष ब्रह्मानंदी आत्म दंगलेले… — वि.ग.सातपुते (भावकवी) (9766544908)  रचना क्र.३०१ २२/११/२०२२

वाङ्गमय निर्मितीला प्राचीन परंपरा आहे. अनेक प्रकारचे वाङ्गमय सर्वश्रुत आहे..कुठल्याही राष्ट्राची आद्य ओळख म्हणजे तेथील संस्कारीत साहित्य . प्राचीन संस्कृत साहित्य म्हणजे भारतभूमिचा विशाल , अथांग सागर असलेला साहित्यसंस्कारीत वारसा आहे . या साहित्य संस्कारांची शास्रीय , प्रतिभावंत परंपरेची महनीयता ही आद्य कवी व्यासांच्या समर काव्यापासून मानली जाते . अशा सहित्यश्रुंखलेची व्याप्ती प्रचंड आहे . संस्कृत […]