कविता-गझल-चारोळी-वात्रटिका

वाहतो पवन बेभान धुंदला उधळीत गंध शब्दभावनांचे गडगडता अंबरी कृष्णमेघनां प्रीतगान, मृदगंघले वसुंधरेचे ओढ अधीर, अवीट मधुरम संथ झुळझुळणे ते निर्झराचे मन ओले, ओले चिंब चिंबले साक्षात्कार प्रसन्न वर्षाऋतुचे स्वर, पावरीचे श्रावण श्रावण सप्तरंगलेले, इंद्रधनु अंतरीचे हे स्वानंदाचे सात्विक सोहळे संगीत जणु, कृतार्थ जीवनाचे — वि.ग.सातपुते (भावकवी) 9766544908 रचना क्र. २२६ ५/९/२०२२

मी अलवार कवटाळीतो अंतरीच्या गतआठवांना हॄदयस्थ, ते ध्यास भास स्मृतींनाच, उलगडताना…. भावस्पर्ष ! मृदुल कृपाळू जगविती माझ्या स्पंदनांना अबोल ओंजळ भावनांची मी, रिती कुठे करू कळेना…. दिव्यत्व,भक्तीभावप्रीतीचे वेदनांची, क्षालनी सांत्वना ओघळ लोचनी जाणिवांचे स्मृतींचा, गंधाळ हुंगतांना…. माथी आभाळ सावळबाधी सांजवेळी हुरहुर पाऊलांना ओढ, हरिपावरीच्या सुरांची मी नित्य आळवितो दयाघना…. — वि.ग.सातपुते (भावकवी) 9766544908 रचना क्र. २३२ […]

तुझे नित्य येणे जाणे हळूच वळूनी पाहणे नाही कधी विसरलो तुझे ते लाघवी लाजणे आठव ते सारे सुखद निःशब्दी, प्रीतचांदणे तुझे कटाक्ष सांत्वनी निर्मली तुझे गंधाळणे निष्पाप त्या जाणिवा मनास भुलवुनी जाणे तूंच हसरी कमलिका सालस ते तुझे वागणे अजूनही मी स्मरतो रुप तुझे गोजीरवाणे तू स्मरणगंधी सुगंधा तुझे उमलुनी बहरणे — वि.ग.सातपुते (भावकवी) 9766544908 रचना […]

निर्मोही गुंतावे स्वांत सुखाया लाभते मन:शांती अंतरा सुखाया…. सुखदुःख क्षणाचे संवेदनांची छाया हाच जन्म मानवी जगुनीया जगवाया…. खेळ सारे भावनांचे भावशब्दात गुंफाया जपावित मनेमने अंतरंगा जाणुनिया….. सावरीत जीवाजीवा सुखवावी मन:काया अशाश्वती स्पंदनांची सारी मृगजळी माया…. सत्य एक अनामिक त्याची कृपाळू छाया नित्य त्याला भजावे तोच येतो सावराया…. — वि.ग.सातपुते (भावकवी) 9766544908 रचना क्र.२२३ २/९/२०२२

खेळ त्याचेच सारे तो कुंभार आगळा घडवितो, तोडितो सर्वा लावीतो लळा तो जीवाचा आत्मा श्वासास जगविणारा ब्रह्मांडी त्याची सत्ता तोच एक तारणारा जगणे केवळ भोगणे प्रारब्धा मिठित घ्यावे जन्ममरण प्रवास एक चालता त्याला स्मरावे पुनरपी जननं, मरणं निर्णायक तोची ईश्वर उगाच, कशाला चिंता जगती सारे आहे नश्वर — वि.ग.सातपुते (भावकवी) 9766544908 रचना क्र.२२४ ३/९/२०२२

दिलास जन्म मानवी देवा! काय याचू मी कृपाळू, तूची दाता तुलाच काय मागू मी…।। दिलेस, तू सारे काही तृप्त, तृप्त कृतार्थ मी सर्वार्थी तुझ्यात रमता सांगनां काय मागू मी…।। अनंता! तूच कृपाळू तव छायेत नित्य मी नांदतोस मनहृदयी देवा! काय मागू मी…।। तव अदृश्य परिस्पर्शी सुखावतो अंर्तआत्मा अमृतयोग अमरत्वाचा चिरंजीव हा जीवात्मा..।। – वि.ग.सातपुते. (भावकवी) 9766544908 […]

मला अजुनही समजले नाही मला तुझीच आठवण कां येते… तुच सदा माझ्या मनी लोचनी हे कसले, आपुले अगम्य नाते… मी, नित्य इथे संभ्रमात जगतो अस्तित्व तुझे सभोवार भासते… ऋणानुबंध जरी हे गतजन्मांचे मग हे दुरत्व कां मनास छळते… कसले प्रेम? कसल्या भावनां कां? व्यर्थ सारे, जगणे वाटते… तोच एक कर्ता आणि करविता त्यालाच सारे विचारावेसे वाटते… […]

आता सारे भासते अद्भुत जणु मायाजाल सभोवती हवे ते आता उपलब्ध सारे वेदना एक, दुरावली नाती… आता शोधावी मायाममता दुर्लभ आता वात्सल्यप्रीती कुणास कुणाची ओढ़ नाही वास्तवता ही साऱ्या जगती… मानवता आज कशा म्हणावे भासे अद्भुत सारे कल्पनांती… मरणासाठी कां जगणे असते हा प्रश्न भेडसावतो विचारांती… — वि.ग.सातपुते (भावकवी) 9766544908 रचना क्र.२४८  २६/९/२०२२

शोधावी आत्मसुखदा लाभणे भाग्य भाळीचे वर्तावे जगी वात्सल्ये कुंभ भरावे सत्कर्माचे जगी सर्वसुखी कोण ? दुःख, हेच मनांतरीचे देवांनाही नाही चुकले भोग सारे पूर्वकर्माचे मानवी, जन्म विवेकी जाणुया अर्थ मानवतेचे सुखदु:खांच्या झुल्यावरती जगावे, संचित प्रारब्धाचे — वि.ग.सातपुते (भावकवी) 9766544908 रचना क्र.२२१ ३१/८/ २०२२