कविता-गझल-चारोळी-वात्रटिका

प्रसवते रोज कविता कां कशी कोण जाणे… मीही, होतो संभ्रमित कसे जमते व्यक्त होणे… मन हे चंचल पाखरू त्याचेच कां फडफडणे… अंतरी काहूर कल्लोळ भावनांचेच ते प्रसवणे… मीच शब्दातुनी मांडतो अव्यक्ताला सहजपणे… आज हा छंद जीवाला रिझवितो, हळुवारपणे… आनंद हा एक आगळा सहजसुकर होते जगणे… रचना क्र. ५९ २७/६/२०२३ -वि.ग.सातपुते. (भावकवी) 9766544908

आता कसला तो हिशेब सारा शुन्यत्वाच्याच पलीकडले सारे अथांग सागर नजरेत किनारा सुखदुःखांचाच ताळमेळ सारा… मायाममता अन प्रेम जिव्हाळा ऋणानुबंधांचाच केवळ पसारा कुणासाठी इथे न वेळ कुणाला स्वार्थाचाच निरर्थक विंझणवारा… नातीही सारी केवळ नावापुरती प्रेमभावची निर्जीवी अंकुरणारा फुलणे, गंधणे आज कोमजलेले अत्तरकुपीतही, सुगंध उग्र न्यारा… जगणे कलियुगातील असेच सारे मानवतेचाच सर्वत्र दुष्काळ सारा निव्वळ पैशासाठी सर्वत्र […]

जगी भेटली माणसे अनभिज्ञ ती सारी… जोडली नाती निराशाच पदरी… नव्हता जिव्हाळा भावशून्य सारी… नाही कुणी कुणाचे छळे सत्य जिव्हारी… जखमांचे झिरपणे नि:शब्द वाहते अंतरी… असले कसले जगणे प्रीत उदास हृदयांतरी… हा कल्लोळ असह्य भावनांचे रुदन भीतरी… रचना क्र ७० १०/७/२०२३ – वि.ग.सातपुते.(भावकवी) 9766544908

लय फोफावलय तणकटं…. धुरे सोडून मध्ये रानातं घुसलयं….. रान कमी पडलं मनुन काय की, आत्ता डाळणाच्या उरावरंबी फोफावलयं… आत्ता तं पिकबी तणकटाच्या सावलीपुढं, निमुट मानं टाकुण मुक उभ दिसायलयं… काल घरातुन निंघताना भिंतीवर एक पिंपळाचं झाड पाह्यलं… मनात विचार आला, मायझं,भुतायलं जागा कमी पडायलीय, मनुनं ईथबी एक उगवलय काय की? लय फोफावलयं…. गल्लीतंबी अन दिल्लीतंबी, घरातंबी […]

पाऊस! हा तुझा नी माझा तनमनांतराला भिजविणारा… ओल्या ओल्या चिंब भावनां पाऊस! मिठीस बिलगणारा… जीवा जीवालाही हवाहवासा व्याकुळ अधीरतेने बरसणारा… मनमुक्त प्रीतीत भुलूनी जाता अधरांनी, प्राशावी अमृतधारा… श्रावण, श्रावण बेधुंद कलंदर श्वासा, श्वासातुनी गंधाळणारा… प्रीतासक्ती, तो अवीट पाऊस चिंबचिंब सर्वार्थी भिजविणारा… ओला पाऊस मृदगंधली माती सुगंध सभोवार तो दरवळणारा… वर्षा ऋतुची किमयाच आगळी नाहू घालते सरितुनी […]

कोण भोंगळा,कोण वंगळा, कुणी कुणाला हिन लेखे, माळेमध्ये एकशे आठ मनी, एकशे नववा कुठं बसे….!!! गोड कडुनिंब,रेशमी बाभळी, आम्रवृक्षाला कोण पुसे, अनैतीक मितही नैतीक बनती, डोळ्यापुढे जेंव्हा सत्ता दिसे….!!! विचारधारा, विवेक विवेक, राततुनं तं,बापय नं दिसे, विवेक,विचार,विकास,प्रकाश सत्तेपुढे ते उणे असे..!!! आधी धर्म मग जाती पाती, पाहुणे राव्हुणेबी ईथे चालती, विवेक लपतोय निबीडं अंधारी लबाडं ढोंगी […]

संवाद सारा हरवला आता कुणा कुणासाठी वेळ नाही धडपड फक्त जगण्यासाठी जीवाला कुठेच शांती नाही… जन्मदात्यांचे स्पर्श बोलके ते सुख कधी विसरलो नाही रुजले बीजांकुर संस्कारांचे विद्रोह मनास शिवला नाही. आज संवेदनाच निर्जीवी सहृदयता, उरलीच नाही अतृप्त, हे श्वास अशाश्वत दुजे वास्तव जगती नाही. कालचक्र गतिमान अविरत कुठे थांबावे कळतच नाही जगव्यवहार स्वार्थात गुंतले आपुलेपण ते […]

जरी मी चालतोही एकटा असे तुमची सावली सोबती धरुनीया बोट जन्मदात्यांचे कृपाळु, चालवितो सुखांती… भेटता सहृद तुम्हासारखे रुजली अंतरी भावप्रीती अरुपाचे रूपडेही आगळे दृष्टांत सावलीत उजळीती… सत्कर्मे अनुभवता दुनिया सावलीत ब्रह्मानंदी तृप्ती… जे जे पेरावे ते तेच उगवते कृतज्ञतेतुनी ओसंडते मुक्ती… अशा भावनांच्या प्रेमादरात सावलीसंगे निर्मली मन:शांती… प्रांजळ प्रेमची सदा देत रहावे फुलवित जावी निष्पाप प्रीती… […]

बरस बरसता, पाऊस धारा मन हे, श्रावण होऊनी जाते… चिंब, चिंबल्या आठवणींची शब्दगीता, अलवार प्रसवते… ओंजळ भावरंगल्या शब्दांची अंतरातुनी मनांगणी पाझरते… ओला ओला हा श्रावण सुंदर तनमनांतर सारे भिजूनी जाते… अवीट आगळी ही श्रावणीगंगा चराचरालाच या शांतवुनी जाते… जणू प्रीतीचेच डोहाळे सृष्टीला दशदिशांना तृप्तीचे भरते येते रचना क्र. ५५ २३/६/२०२३ -वि.ग.सातपुते.(भावकवी) 9766544908

ग्यानबाची मेख….!!! कुणी खाकी आडं,कुणी वर्दिआडं, कुणी पैशा आडं,तं कुणी सत्तेपुढं, कपडे काढायची अन फाडायची जणु, चषकी स्पर्धाचं लागली आहे…..!!! शयनगृहातले खेळ सार्वजनिक होतायेत, शिखंडी पत्रकारिते आडुनं सत्तेतला भिष्म, कॅमेर्‍यातुन धर्मनितीचं शरसंधान करतोय, हतबलं कृष्णमात्र सगळं विवशपणे पाहतोय…!!! आधुनिक महाभारतात धर्म अधर्म मिळालेतं… कोण कौरव कोण पांडवं गणीतच बिघडलय, पांचालीच्या वस्त्रहरणात कृष्णाचा हात रूतलाय, न्यायी धर्मराजा […]