कविता-गझल-चारोळी-वात्रटिका

सांजवेळ ही मनोहर स्मरणगंधलेले अंबर सुरम्य क्षितिज केशरी अस्ताचे लाघवी झुंबर उजळता तिन्हीसांजा वृंदावनी ज्योत सुंदर क्षण शांत सुखविती संस्कारी दर्शन सुंदर अगम्य प्रकाश मंदमंद मांगल्याचे भाव सुंदर गाभारी प्रभा निर्मली सात्विक साक्षात्कार पुण्यप्रदी तिन्हीसांजा समाधिस्त आत्मसुंदर लोचनी उद्याची प्रभात भूपाळी हरि श्यामसुंदर — वि.ग.सातपुते (भावकवी) 9766544908  रचना क्र.२८३ ३/११/२०२२

न पेलवी अर्थ न पेलवी शब्द लक्ष्यभेद न करी बरेचदा अर्थ… अर्थबोध न होता मनव्यापी मन शांतता मन तरंग शोषुन व्यर्थ उरतो प्रत्येकदा शोधित फिरतो त्या प्रेमळ जागा जया न विस्कटती तरल आकृतीबंध न करती त्रागा…. खरी कविता गवसते जेथे लयबध्द श्वास अन् मनाचे मौन वसते ! –डाॅ.दीपक सवालाखे, यवतमाळ,

फिरुनी केली मनात दाटी जुन्या क्षणांनी टिपे जराशी झरुनी गेली गालावरुनी. जुन्या फुलांचा जुना सुगंध अवती भवती किती क्षणांची घुटमळ जुन्या रस्त्यावरती फिरूनी ओठावर येती पुन्हा जुनीच गाणी. किती रेशीम क्षणांचा गुंता गुंतत असता कुणी उसवला नाही मी पण व्यापून जाता पसा गतकाळाचा भरला तुटलेल्या धाग्यांनी. देठ तुटताना तेव्हा रडले होते पान पान असे उठले होते […]

मना ध्यास तुझा भास चराचरात स्पर्श तो कृपाळू झुलवीतो आनंदात… वेल भावप्रीतीची नाहतेच दवबिंदूत सुगंध फुलाफुलांचा कोवळ्या ऋतुऋतुत…. गुणगुणता प्रीतरावा उमलते अंतरी गीत आभाळ भावनांचे दाटते मनामनांत…. श्वास अधीर बावरे ओघळती लोचनात मोहोळ ते लाघवांचे आळविते भावगीत…. — वि.ग.सातपुते (भावकवी) 9766544908  रचना क्र. २८२ ३/११/२०२२

तव बकुळफुलांच्या सुगंधात अजुनही मी विरघळतो आहे.. कां? या प्रश्नाला उत्तर नाही भाग्यच भाळीचे भोगतो आहे.. तव लडिवाळ स्मरण गंधाळ चराचरातुनी दरवळतो आहे.. काय, काय, कसे विसरावे याच संभ्रमी मी जगतो आहे.. घुसमट विरही असह्य जीवा मनआभाळही गहिवरले आहे.. तव बकुळफुलांच्या सुगंधात अजुनही मी विरघळतो आहे.. — वि.ग.सातपुते (भावकवी) 9766544908  रचना क्र. २८१ २/११/२०२२

मुरलीधरा वाजीव रे मुरली जीवसृष्टी सारी आसुसलेली… सुर वेणुचे दशदिशा उजळती खगगण, मंजुळ स्वरे गाती… गोकुळीची जित्राबे गोधूली तुझ्याच ओढ़ी हंबरत येती… झुळझुळती मोदे वृक्षवल्ली मीरा, राधा भक्तिगीत गाती… स्वर तव मुरलीचे मनोहारी प्रेमस्पर्शे जीवास जगविती — वि.ग.सातपुते. (भावकवी) (9766544908) रचना क्र. २८० २/११/२०२२

येरे मना, येरे मना नको जावू दूर, दूर, दूर येथे नाही रे आता जीवाला हुर, हुर, हुर…..।।धृ।। सोडूनी दे रे, ते तुझे नवे, नवे बहाणे सोडूनी दे रे ते तुझे आज इथे अन उद्या तिथे झुळझुळणाऱ्या वारुसंगे नकोस उधळू दूर, दूर, दूर….।।१।। चल पाहू या रे विवेकी सुंदर गांव चल घेवूया या रे शांती सुखाचा श्वास […]

कोण छोटा कोण मोठा सहॄदयी तो आत्मा मोठा जिथे सुखावे तन्मनअंतर तो निष्काम निर्लेपी मोठा ब्रह्मांडालाही कवेत घेतो तो निर्गुण निरागस मोठा प्रसन्न कृपाळू रूप ज्याचे तो अगम्य परमात्मा मोठा जो भेटता सुख मोक्षानंदी तो अनामिक ईश्वर मोठा कर्मकांडी सत्कर्मी जगावे तोच एक संचिताचा साठा हरिनामी नित्य रमुनी जावे मोक्षमुक्तिचा तो मार्ग मोठा — वि.ग.सातपुते (भावकवी) […]