कविता-गझल-चारोळी-वात्रटिका

अगाध लीला अनामिकाची अतर्क्य अगम्य ब्रह्मांड सारे सुख दुःखांची उन , सावली जीवनी प्रारब्धाचे भोग सारे…. शिशुशैशवी जीणे निरागस प्रगल्भ मनी , हव्यास सारे स्वार्थी मनीषा , सारेच माझे मृगजळा पाठी धावती सारे…. भावभावनांचे शुष्क कंगोरे इथे प्रीतभाव सुकलेले सारे मनामनात मौन साशंकतेचे संपले विश्वासाचे नाते सारे…. कधीकधी वाटते सुर जुळले क्षणार्धात हरवूनी जाते सारे जरी […]

सुंदर प्राची, सुंदर पश्चिमा लालकेशरी उधळण सुंदर… चराचराचे हे रूप अनोखे संवेदनांची ती झालर सुंदर… जीवन केवळ प्रवास इथला प्रारब्धाची अटळ रेखा सुंदर… सारीपाटाचेच फासे जीवनी सारे, भगवंताच्या हाती दोर… सुखदुःखांची साऊली भाळी तिला झेलित, जगावे निरंतर… आज मला हेच कळून चुकले सत्यवास्तव जीवनाचे चिरंतर… — वि.ग.सातपुते.(भावकवी) (9766544908) रचना क्र.२७६ २९/१०/२०२२

सखये अजुनही दरवळवतो तुझ्या, प्रीतीचा गंध कस्तूरी…. रुतलेल्या तुझ्या पाऊलखुणा मृदगंधलेल्या या सुन्न वाटेवरी…. आजही तुझेच वेड लोचनांना उमलुनी येती प्रीतभाव अंतरी…. सांगनां, यातुनी सावरावे कसे मृदगंधलेल्या या सुन्न वाटेवरी…. हे गुज, मनीचे मधुरम प्रीतीचे व्याकुळलेले, केशरी सांजतीरी… कालचक्र हे अखंडित अविरत तशीच ओढ़, तुझीच गं निरंतरी…. –वि.ग.सातपुते (भावकवी)  (9766544908 ) रचना क्र.२७५ २९/१०/२०२२

आपलंच मन , आपलेच “विचार” , पण त्याचेही असतात अनेक प्रकार …. आजूबाजूच्या गोष्टींसारखे … वेगवेगळे प्रकार समजून घेत ; त्यातली गंमत अनुभवण्यात मजा असते !! काही विचार “पिंपळपाना” सारखे .. मनाच्या पुस्तकात वर्षानुवर्षे जपून ठेवत ; त्याची जाळी करण्यात मजा असते !! काही विचार “फुलपाखरा” सारखे .. वेळीच कोषातून बाहेर काढत ; मुक्तपणे व्यक्त करण्यात […]

शांत व्हावे, आठवांचे मोहोळ साठव जागवित काळीज थकले जगायचे ते सारे जगुनी झाले भोगण्यासारखे काही न उरले स्मरणी दिव्यत्वाचे स्पर्श ममत्वी ते भाग्य कृपाळू जगवित राहिले ऋतुऋतु भारले दृष्टांत निसर्गी स्थित्यंतरे सृष्टित घडवित राहिले भौतिक सुखाला, विटुनी जाता ध्यास परमार्थाचे जीवास लागले अंतर्मुख झालो जेंव्हा हॄदयांतरी सत्यार्थ जीवनाचे उलगडुनी गेले –वि.ग.सातपुते. (भावकवी) (9766544908) रचना क्र. २७४ […]

इथे केवळ मीच शहाणा मलाच सारेकाही कळते दंभ नसावा अहंपणाचा गर्वाचे घर खाली असते….. कोण आकाशांतुन पडतो जन्म एक प्रसवणे असते एकची न्याय दयाघनाचा जन्मुनी अंती जाणे असते….. दिल्याघेतल्याचे नाते इथले पूर्वकर्मी ऋणमोचन असते सत्कर्मी अनुसंधान साधावे तीच एक मोक्षमुक्ती असते….. वि.ग.सातपुते.( भावकवी ) (9766544908) रचना क्र.२७३ २७/१०/ २०२२

कवितेनेच मला जगविले नकळे कुठुनी कानी आली मधुरम, मंजुळ हरिपावरी मुग्ध कविता उमलु लागली… प्रारब्धाचे जरी भोग भाळी काव्या ही सावरित राहिली ओंजळीतली भावशब्दफुले अर्थ जीवनाचा सांगु लागली… अंतरीची निर्मळ शब्दभावनां गीतातुनी, झुळझुळू लागली शब्दपाकळ्यात भुलुनी जाता कविता मज जगवित राहिली… त्या कवितेला न तमा कुणाची सत्याविष्कारी ती दंगुनी गेली स्वानुभूतीच्या हृद्य संवेदनांना शब्दाशब्दातुनी गुंफित राहिली… […]