कविता-गझल-चारोळी-वात्रटिका

आज माणुस शोधून सापडत नाही सापडला तरी मानवता दिसत नाही सारं काही कृत्रिमतेनं नटलेले आहे निर्मल प्रेमभाव कुठे जाणवत नाही नाती, सुंदर हलक्या फुग्यासारखी कधी फुटतील त्याची शाश्वती नाही संस्कार ! फक्त स्वार्थासाठी जगावे भौतिक जगात नातेच राहिले नाही कलियुगी हात ओला तर मैतर भला दातृत्वी भावनां कुठेच उरली नाही संवाद केवळ आता फक्त व्यवहारी आत्मीयता, […]

दगड़ा मातीच्या विटांनी उभारलेल्या चार भिंतित मनातलं घरपण सजलयं फुलदाणीच्या फुलांफुलात….. सुखाला शोधित शोधित दुःखांना निवारत निवारत जणु सप्तरंगली सावलीच उतरलीय नभातून अंगणात…. पण मन माझं भिरभिरतय एकटंच निरभ्र नभांगणात उरि, प्रारब्धाला कवटाळत गुंतलय ऋणानुबंधी पाशात…. काळ, झरझर सरतो आहे मनामनांत, मनेही गुंतलीत सारं काही छान होणार आहे हा भाव जपला आहे अंतरात…. — वि.ग.सातपुते (भावकवी) […]

तुला पाहता मी मज हरवुनी जाते विसरुनी सारे, तुझ्या रुपात रंगते… अंतरी, वेड प्रीतीचे लडिवाळ लाघवी तुला आठविता, सारे भुलुनी जाते… स्पर्शात तुझ्या ते स्वर्गसुख आगळे निर्मलतेच्या भवसागरी मी अविरत डुंबते… क्षणक्षण भावप्रीतीचे अधीर आसुसलेले अथांग प्रीतसागरी मी तृप्त सचैल नाहते… –वि.ग.सातपुते (भावकवी) 9766544908 रचना क्र.२१५ २४/८/२०२

मालवुनी टाक रे, दीप तू आता मन शांत जाहले, तृप्तलो आता.. उजळल्या अंतरी, नाना गतस्मृती थकलो स्मृतींचे, भार पेलता पेलता.. कोवळी मध्यान्न, गेली सांजाळूनी सांजेसवे लपली, यामिनीच आता.. निवता लोचने, हुरहुर स्पंदनांना चैतन्य सरता सरता जागे अंतरात्मा.. मालवुनी टाक रे, दीप तू आता.. मन शांत जाहले, तृप्तलो आता.. — वि.ग.सातपुते (भावकवी) 9766544908 रचना क्र.२३९ १८/९/ २०२२

मी मनामना जोडित राहिलो.. मी माणसा माणसात राहिलो… नाही कधीच क्षणभर थांबलो नाही कुणास बोचलो टोचलो… जग सारे मायबाप बंधुभगिनी समजुनी जगती जगत राहिलो… काय मिळविले, काय हरविले या विचारात न मी कधी गुंतलो… देणे घेणे हिशेब सारे संचिताचे असे समजुनी समाधानी राहिलो… वैभव! शाब्दिक प्रेमभावनांचे मीच सदोदित मिरवित राहिलो… तळहातांच्या ठळक रेषामधुनी मीच मन:शांती शोधित […]

येता पहाट चैतन्याची जीव अलवार जागतो प्रसवता किरण रविचे आत्मा, ब्रह्मांडी रमतो… स्पर्श जाणिवांचा नित्य मनभावनांशी खेळतो इच्छा प्रत्येकाची वेगळी जो तो स्वसुखा शोधतो… कालचक्र हे पूर्वकर्माचे जीव नित्य इथे भोगतो क्षण सारेच अनोळखी ओंजळीत झेलित राहतो… जीवाजीवा उद्याची चिंता हा बेभरोसा असह्य होतो नियती चक्र सांजाळणारे अंतरी अंधार दाटुनी येतो… –वि.ग.सातपुते. (भावकवी) 9766544908 रचना क्र.२१० […]

निष्पाप फुलांचा ताटवा सुंदर गंधाळ, सुगंधी त्याचा मनोहर… अवीट, स्पर्श लाघवी कोमल मनोमनी जागविती भाव सुंदर… जगी जगावे निर्मळ फुलांसारखे काटयासवे फुलत रहावे निरंतर… क्षणाक्षणांना नित्य वेचित रहावे भावनांनी उजळीत जावे मनांतर… अर्थ जीवनाचा उलगडित जावा मनामना,सुखवित रहावे निरंतर… मोहपाश, हे आसक्तीचे मृगजळ त्यातूनी, जीवा सावरावे निरंतर… युगायुगातुनी लाभे जन्म मानवी सत्य, विवेकी आत्मसाक्षात्कार सांध्यपर्वी मन […]

जसे रंग फुलांफुलांचे तसेच रंग मनामनांचे.. नित्य उमलुनी गंधाळावे दरवळावे श्वास सुखाचे.. मनफुलांचे नाते आगळे स्पर्श तयांचे मोरपीसांचे.. निर्माल्यातही सुख आगळे जीवन हे, भाग्य भाळीचे.. जगण्याचे हे क्षण कृतार्थी संचित सारे हे गतजन्मांचे.. — वि.ग.सातपुते. (भावकवी ) 9766544908 रचना क्र.२३७ १६ /९/२०२२

तुझ्या आठवणीत शब्द विरघळतात पाझरतात भावनां हळवा होतो एकांत… मी आभाळ पहातो तरळतेस तूच नेत्रात हाच भास विलक्षण हळवा होतो एकांत… ही सुरम्य प्रीत वेडी तुझेच रुप पापणीत मी मज भुलुनी जाता हळवा होतो एकांत… स्मरण तुझेच लाघवी नित्य माझ्या अंतरात तुजविण सुनेच सारे हळवा होतो एकांत… –वि.ग.सातपुते.( भावकवी ) 9766544908 रचना क्र.२०८ १९/८/२०२२