कविता-गझल-चारोळी-वात्रटिका

मी तुका चाललो पंढरीला पायी लोचनी ब्रह्म ते विठ्ठल रखुमायी।।धृ।। वेचुनिया संतांच्या सद्गुणी गुंफितो मी भावफुलांची वेणी ।।१।। रांगलो, खेळलो, धावलो पाऊली या साऱ्याच , विश्वाच्या अंगणी ।।२।। नुमजली मजला संसाराची खेळी मी अज्ञानी ऐकितो संतांची वैखरी ।।३।। लावूनी टिळा गंध अबीर कपाळी मी दंगतो भारूडी,अभंगी, कीर्तनी ।।४।। मी रचिता गाथेत जीवनाची भैरवी मजला लागते ती […]

मोह होता सहज मनाला दोष मग कोणा द्यावा सुकल्या काही फुलांचा बाजार कुणी पहावा मन व्यापले निर्मोही वेडे भाव ते सारे गुंतले धागे मोहाचे बहर अबोल क्षणांचे भावनेचा खेळ सारा नकळत मन मोहून जाता गहिवरले भाव अलगद हळवे चांदणे मूक आता मायेचा खेळ हा सारा जीवन न कळते कधी केव्हा मिटल्या पाकळ्या सुकून गेल्या कोणी त्या […]

गुढीपाड़वा, चैत्र शुध्द प्रतिपदा उत्सव हा चैतन्यदायी संकल्पाचा स्मरण, त्या शालिवाहन शकाचे उत्सव नव्या नव्या संकल्पनांचा सरो विश्वातील, सारेच अमंगळ उभारूया ध्वज, चैतन्य गुढीचा कलियुगी, अंमल जो विध्वंसक करु निर्दालन साऱ्या दुष्प्रवृत्तिंचा वरदान मांगल्यमयी श्रीरामकृपेचे मनी, जागवु शंखनाद हिंदुत्वाचा जळो, सारेच अंतरीचे ते हेवेदावे मुलमंत्र, नित्य जपुया मानवतेचा गुढी पाड़वा, चैत्र शुद्ध प्रतिपदा उत्सव हा चैतन्यदायी […]

देवा दाव रे, दाव रे, दाव रे देवरूप तुझे ते संचारलेले।।धृ।। संतजन सारे तुझेच उपासक असुरांचा, एकची तू संहारक अराजक, अनितीचे जीवघेणे सार दूर जे इथे नित्य माजलेले।। तूच निधर्मी, निष्पाप रे उद्गाता तूच रे बुध्द, येशू, ईश्वर अल्ला उखड, उखड रे सारेच निर्दयी धर्मांधीबीज जगती अंकुरलेले।। कर निर्दालन त्या साऱ्या दुष्टांचे वाजीव रे डमरू, सौख्यशांतीचे […]

चैत्र वर्ष दाराशी आले, डोकावुनी ते मला म्हणाले, वर्तमान मी आहे तुमचा, झाले गेले गंगेस मिळाले. नवे वर्ष अन् नव्या कल्पना, घेऊन क्षितिजावर अवतरू पुन्हा. विसरुनी सरत्या ‘काळां ‘ आपण, होऊ सज्ज, समजावू मना. नवे वर्ष, उमेद नवी ती, ठाम निश्चया घेऊनी सोबती, लाभेल उभारी पुन्हा एकदा, स्वप्ने फुलतील पुन्हा सभोवती. लिहित रहा, वाचीत रहा तू […]

काही राहिलेले काही सुटलेले प्रश्नच ते तुला कळतील का रे? काही मोहरलेले काही बहरलेले क्षणच ते तुला समजतील का रे? काही उमललेले काही फुललेले भावच ते तुला उमजतील का रे? काही मंतरलेले काही गुंफलेले मनच ते तुला कळेल का रे? काही धडधडणारे काही लाजणारे हृदयच ते तुला कळेल का रे? काही व्यक्तसे काही अबोलसे शब्दच ते […]

सरतेच आहे आयुष्य सारे तरी मी कोण कळले नाही धावलो, मी मृगजळापाठी कां? कसा ते कळले नाही लाभली नाती ऋणानुबंधी ओढ कधी जाणवली नाही भावनां, साऱ्याच कोरड्या मनांतर कधी भिजले नाही जगणे सारेच भोग भाळीचे मी त्यास कधी टाळले नाही जे लाभले ते निमूट भोगीले त्रागा कधीच मी केला नाही सत्संगास मी सदा भुकेलेला तो मार्ग […]

न बोलताही मन तुझे मला कळले शब्दांचे सांग अर्थ कशास आता हवे व्यक्त मी तुझ्यात हलकेच कधीच झाले मनाचे चांदणे आल्हाद तेव्हा बहरले न बोलताही भाव तुझा मज कळला माझ्या अल्लडपणात मोह तुझा व्यापला बोलतांना मी भाव अलगद बांधले निःशब्द बोल तुझे भाव सांगून गेले न बोलताही तू खूप काही बोलून गेला अलवार स्पर्श तुझा अंतरात […]

श्रीरंगी रंगात रंगलेली राधा कृष्णा संगती भिजली राधा भक्तीप्रीतीचे रंगरूप अनोखे हरिहरात विरघळलेली राधा द्वैत,अद्वैताचे मिलन सुंदर होळीत रंगली सोज्वळ राधा अतरंगी सावळ्याचीच बाधा कृष्णरुपातुनी दंगलेली राधा धावा कृष्ण! कृष्ण! कृष्ण! हरिपावरीतही स्वरसुरी राधा मनअतरंग होई पावन पावन भक्ती प्रीतीत ओसंडिते राधा — वि.ग.सातपुते.(भावकवी) 9766544908 रचना क्र. ८५. १८ – ३ – २०२२.

मी जगतोच, तसा एकांती आभाळ मनाचे येते भरुनी झरती निष्पाप भाव अंतरी अतरंग भक्तीत जाते दंगुनी अस्ताचली, भावरंग केशरी त्यावरी कृष्णछाया सांत्वनी जणु भासते समोर सावळा कृतार्थी तृप्तता या लोचनी झुळझुळते माय गंगायमुना पावन तुषारी जातो भिजूनी एकांती प्रहर सारे आत्मरंगी कृपावंता स्मरत राहू जीवनी — वि.ग.सातपुते.(भावकवी) 9766544908 रचना क्र. ८४. १७ – ३ – २०२२.