कविता-गझल-चारोळी-वात्रटिका

समजावू कसे या मनाला जे शोधिते अजूनही तुला.. आजही लोचनी रूप तूझे.. तुझाच ध्यास या जीवाला.. एकमेकांवरी नि:सिम प्रीती तुझी न माझी, जडली होती पाहता , पाहताच एकमेकां प्रीतीभाव आगळा रुजला.. नि:शब्दुली ! भाषा मनांची अंतरंगी सारीच प्रीतभारली कटाक्षी प्रीती, स्मित लाघवी जगवित होती तनमनांतराला.. जरी निर्व्याज ही सत्यप्रीती प्रारब्ध्ये दुरावाच हा भाळी तुजविण सारे निरर्थ […]

जन्म हा सुखाचा की दुःखाचा.. कां ? कुठला अक्षम्य गुन्हा आहे.. जरी गतजन्मांचेच ऋणानुबंध सारे कुणाची कुणाला आज ओढ आहे.. बेगडी नात्यांचेच स्वार्थी भावबंध खरे कोण कुणासाठी जगतो आहे.. ऐश्वर्याचे रांजण ,जरी स्वर्गीयसुखी सांगा , आज मनःशांती कुठे आहे.. ऐश्वर्यासाठी नात्यांचीही पायमल्ली नि:स्पृह प्रेम जिव्हाळा संपला आहे.. बिलोरी प्रतिबिंबही कितीही देखणे तरी इथे सत्य, असत्य संभ्रमात […]

कृष्णासम ही नटखट अवखळ.. लाघवी कवीता हळूच पाऊली येते.. मयुरपिसी मखमली मृदुल करांनी.. अवघे अलगदी चित्त चोरुनी नेते ..।।१।। कदंब तरुच्या साऊलीत या साक्षात बीज प्रतिभेचे फूलते… शब्दफुलांच्या , वटवृक्षावर भावगंधले गीत कोकिळा गाते…।।२।। कालिंदीच्या ! डोहातूनी त्या लय , ताल सप्तसुरांची येते… राधे ! बघ सामोरी कृष्णमुरारी धुन मंजुळ मंजुळ बासुरीची येते…।।३।। शब्दशब्द मनी भाव […]

कधी खेळकर तर कधी चिंतातुर.. कधी आनंदी तर कधी उदासीन.. अनाकलनीय हुरहूर ही विलक्षण.. तरीही , उमलते हळुहळु जीवन..।।१।। कालचक्र सृष्टीचे , अखंड अविरत.. तांडव , पंचमहाभूतांचे ऋतूऋतून.. स्पंदनांतुनी , सुखदुःखांचे ओघळ.. ऋणानुबंधी ! सारे संचिती जीवन..।।२।। प्रीतभावनां ! अंकुर मानवतेचा.. प्रीतीविना कां दुजे असते जीवन.. ब्रह्मानंदी ! केवळ स्पर्श प्रीतीचा.. कृपावंती मोक्षदा , कृतार्थ जीवन..।।३।। […]

ती चुल्ह्याजवळ, तर त्याच्या डोईवर सूर्य तिच्या हाताला चटके, त्याच्या पायांना ! ती श्वासांसाठी हवेची झुळूक, तो विचारांसाठी शाई दोघे बनतात मुलांचे गुरुत्वाकर्षण, ताठ कण्याचे ! तिची पावले घट्ट मातीत, तो आकाशपावलांचा ती असते वसुंधरा दिन, तो असतो पुस्तक दिन ! ती सतत जवळ- हात फैलावला की स्पर्शणारी तो आभाळासारखा, सदैव दुरुन निरखणारा ! ज्याची जशी […]

चाललो पंढरीला पायी पाहतो विठ्ठलरखुमाई ।।धृ।। वेचूनी संतांच्या सद्गुणी गुंफितो मी भावफुलांची वेंणी ।।१।। रांगलो , खेळलो , धावलो या तुझ्या विश्वाच्या अंगणी ।।२।। नुमजे मजला गाथा ज्ञानेश्वरी मी अज्ञानी ऐकतो संतांची वैखरी ।।३।। लावूनी टिळा गंध कपाळी दंगलो दिंडी, किर्तनी टाळ मृदंगी ।।४।। गायली मी , जीवनाची भैरवी आता लागली ब्रह्मानंदी टाळी ।।५।। लोचनी विठाई […]

नितळ लोचनी नीरव शांत चराचर.. ब्रह्ममुहूर्ती ऐकू येते सागराची गाज.. एकांती उसळते आर्त भावनांचे गुज.. बिलगता पवन , रुणझुण ती प्रीतीची..।। १ ।। माहोल , सारा सर्वांतरा दीपविणारा.. प्राचीवरी अलवार उमले बिंब केशरी.. प्रतिबिंब लालगे ते लाघवी मनोहर.. ऐकू येते सुरावट मंगलमयी प्रीतीची..।। २।। महाकाय , अथांग महासागर हृदयी.. भावनांच्याच बेभान लाटा गगनभेदी.. निरवतेत , घोंगावती […]

माऊली मराठीच माझी मायबोली.. ज्ञानयोगीयांची कनवाळू माऊली.. ओम नमोजी आद्या वेद प्रतिपाद्या.. स्वसंवेद्या मराठी माझी मायबोली..।।..१ ज्ञानेश्वरी , ही ज्ञानेश्वर माऊलीची.. अभंगगाथा तुकयाची भक्तीरंगली.. भाषाबोध सकल संतसद्गुरूंचा.. माऊली मराठीच माझी मायबोली..।।..२ शब्द मराठीच अस्मिता अंतरीची.. गीता,भागवत,दासबोधादी ग्रंथाली.. अक्षर , अक्षर , साक्षात्कार कृपाळू.. माऊली मराठीच माझी मायबोली..।।..३ माझ्या मराठीचा मला स्वाभिमान.. जगतवंद्य ! ती जगतवंद्य शोभली.. […]

वेदना विपन्नावस्थेची सारी भोगूनी झाली.. तरीही प्रारब्धयोगे सारे सुखऐश्वर्य लाभले.. तरीही जीव हा मोहपाशात कां ? गुंतलेला.. वाटते जीवा ! बरेच काही अजूनही राहिले..।।..१ सांग मना , आज तुज जवळ काय नाही.. तुज श्रेष्ठ विवेकी जन्म लाभला मानवाचा.. वात्सल्यप्रीतीच्या सरोवरी तुडुंब रे डुंबला.. अनंत जन्मांचे हे भाग्य अलौकिक आगळे..।।..२ आज जीवात्म्यावर मंडरते रे सांज केशरी.. आत्माही […]

लाभले असता सर्व काही.. त्याची कधी मोजदाद केली नाही.. जे थोडेसे काही मिळाले नाही.. त्याची मात्र मोजणी थांबली नाही..।।..१ मन मोकळे कधी ठेवले नाही.. फक्त स्वानंदात रमलो.. मी , फक्त मीच एकटा सर्वज्ञ.. हा अहंकार कधी सोडला नाही..।।..२ काय म्हणावे अशा प्रवृत्तीला ?.. अरे झाडा सारखे जीवन असावे.. जे जे आहे , ते ते सर्व देत […]