चैत्रशुद्ध प्रतिपदा

गुढीपाड़वा, चैत्र शुध्द प्रतिपदा
उत्सव हा चैतन्यदायी संकल्पाचा

स्मरण, त्या शालिवाहन शकाचे
उत्सव नव्या नव्या संकल्पनांचा

सरो विश्वातील, सारेच अमंगळ
उभारूया ध्वज, चैतन्य गुढीचा

कलियुगी, अंमल जो विध्वंसक
करु निर्दालन साऱ्या दुष्प्रवृत्तिंचा

वरदान मांगल्यमयी श्रीरामकृपेचे
मनी, जागवु शंखनाद हिंदुत्वाचा

जळो, सारेच अंतरीचे ते हेवेदावे
मुलमंत्र, नित्य जपुया मानवतेचा

गुढी पाड़वा, चैत्र शुद्ध प्रतिपदा
उत्सव हा चैतन्यदायी संकल्पाचा

— वि.ग.सातपुते (भावकवी)

9766544908

रचना क्र. १००.

२ – ४ – २०२२.