चाललो पंढरीला पायी

चाललो पंढरीला पायी
पाहतो विठ्ठलरखुमाई ।।धृ।।

वेचूनी संतांच्या सद्गुणी
गुंफितो मी भावफुलांची वेंणी ।।१।।

रांगलो , खेळलो , धावलो
या तुझ्या विश्वाच्या अंगणी ।।२।।

नुमजे मजला गाथा ज्ञानेश्वरी
मी अज्ञानी ऐकतो संतांची वैखरी ।।३।।

लावूनी टिळा गंध कपाळी
दंगलो दिंडी, किर्तनी टाळ मृदंगी ।।४।।

गायली मी , जीवनाची भैरवी
आता लागली ब्रह्मानंदी टाळी ।।५।।

लोचनी विठाई सावळी विटेवरी
जय हरी विठ्ठल , पांडुरंग हरी । ६।।

©️ वि.ग.सातपुते.(भावकवी)

रचना क्र.४१

दिनांक:- १६-३-२०२१