डोळ्यांत अश्रू जमला

वेदना विसरुन साऱ्या

संसारात साखरेसारखी

अलगद अशी विरघळते

ती स्त्री च असते..

स्वतःकडे नंतर पण

नवरा मुलांचं सार

आधी आवर्जून बघते

ती स्त्री च असते..

स्वतःच्या भावना मन

वेळप्रसंगी न पाहता,

संसारात इतरांना जपते

ती स्त्री च असते..

आवडी निवडी माहेर

सवयी सगळं सोडून

सासरचं पहिले पाहते

ती स्त्री च असते..

सगळे घाव सोसुन

तडजोड करुन वेळप्रसंगी

मनाला मुरड घालून मन मारते

ती स्त्री च असते..

जी हसतमुखाने संसार फुलवते

आला गेला पाहुणा

सार आनंदाने पाहते

ती स्त्री च असते..

पण स्त्री चं मन,भावना,

फुलल्या जरा तर ती,

चुकली हे पाहणारी

पण स्त्री च असते..

पुरुष स्त्री ला समजून घेतो पण

स्त्री च स्त्रीची व्यथा न जाणते,

रागवू नका सखींनो पण दुनियेत

हीच करुण कहाणी कायम खरी असते..