वृत्त :- मानसी
लगावली :- गागालगा लगागा गालगा लगागा*
आगीत पेटलेले गाव पाहिले मी
चोरास साथ देण्या साव पाहिले मी
++++++++++++++++++
गावात श्वापदांची वाढली मुजोरी
डोळ्यात पेटलेले भाव पाहिले मी
+++++++++++++++++++
भूकेजला कसा आत्ताच गाव माझा
धान्यास फेकणारे राव पाहिले मी
++++++++++++++++++
हास्यात आज होते दु:ख गोठलेले
ह्रदयात लपवलेले घाव पाहिले मी
+++++++++++++++++++
थाटात आज होते गावचे पुढारी
जोषात हारणारे डाव पाहिले मी
++++++++++++++++++
भूकेस शरण गेली आज माय कोणी
ओट्यात दडवलेले पाव पाहिले मी
++++++++++++++++++
© जयवंत वानखडे,कोरपना
