हास ग घुमा कशी मी हसू

या गावचा त्या गावचा पाहुणा नाही आला

आमरस पुरीचा बेत नाही झाला

कशी मी हसू

या गावची त्या गावची लेक नाही आली

साडी चोळी नाही केली

कशी मी हसू

या गावची त्या गावची सून नाही आली

वाळवणंच नाही झाली

कशी मी हसू

याच गावाची मैत्रीण नाही आली

पार्टी नाही झाली

कशी मी हसू

इथे तिथे नाही गेले पैसे खूप उरले

आता काय करु त्याचे

कशी मी हसू

मेसेज कमेंट्स नाही आले रुसून बसले

कुणाला आता सांगू

कशी मी हसू

या गावचे हे गेले त्या गावचे ते गेले

तरीही रडू नाही आले

तरिही म्हणतात सगळे

हास ग घुमा कशी मी हसू

धन्यवाद.