न्यूयॉर्क शहरातील इम्पीरियल थिएटर

इम्पीरियल थिएटर हे न्यूयॉर्क शहरातील मिडटाउन-मॅनहॅटन मधील २४९ वेस्ट ४५ व्या रस्त्यावर (जॉर्ज अबॉट वे) वर स्थित एक ब्रॉडवे थिएटर आहे. थिएटरमध्ये १४१७ इतकी आसन क्षमता आहे.

थिएटरचा इतिहास :

हे थिएटर न्यूयॉर्क शहरातील शुबर्ट संस्थेचे पन्नासवे ठिकाण आहे जे की त्यांचे जुने लिरिक थिएटर पुनर्स्थित करण्यासाठी बांधले गेले. वास्तुविद्याविशारद  हर्बर्ट जे. क्रॅप यांनी खास म्युझिकल थिएटर प्रॉडक्शनला सामावून घेण्यासाठी या थिएटरचे  डिझाइन केले आहे. हे  थिएटर २५ डिसेंबर १९२३ रोजी सर्वांसाठी खुले करण्यात आले. थिएटरमध्ये सगळ्यात पहिला प्रयोग ” मेरी जेन मॅककेन (Merry Jane McKane)”  नामक सांगितिक विनोदी नाटकाने झाली. या नाटकाच्या गाण्यांचे गीतकार विल्यम केरी डन्कन व ऑस्कर हॅमरस्टीन (दुसरे) हे होते. नाटकाला संगीत हरबर्ट स्टोथार्ट व व्हीन्सेंट युमन्स यांनी दिले होते. नाटकाचे निर्माते अर्थुर हॅमरस्टीन होते. 

या नंतर या थिएटरमध्ये अनेक सांगितीक कार्यक्रम झाले ज्यात अनेक दिग्गजांनी त्यांच्या कलेचे प्रदर्शन केले होते. त्यातील अ‍ॅनी, गेट युअर गन (१९४६), फिडलर ऑन दी रूफ (१९६४), ड्रीमगर्ल्स (१९८१), दी मिस्ट्री ऑफ एडविन ड्रॉड (१९८५), लेस मिसरेबल्स (१९९०) यांचे प्रयोग २००३ पर्यंत चालले. पुढे नोव्हेंबर २००८ साली बिली इलियट या म्युझीकल/ सांगितीक कार्यक्रमाचे थिएटरमध्ये प्रयोग सुरु करण्यात येऊन ते २०१२ सालपर्यंत चालू ठेवण्यात आले. हा सांगितीक प्रयोग २००१ साली प्रदर्शित झालेल्या बिली इलियट या चित्रपटावरुनच सुरु करण्यात आला होता.  

बॉक्स ऑफिस रेकॉर्ड :

१० टोनी पुरस्कार विजेते, वेस्ट एंड म्युझिकल बिली इलियट यांनी इम्पीरियल थिएटरसाठी बॉक्स ऑफिस रेकॉर्ड गाठला. ३ जानेवारी २०१० रोजी संपलेल्या आठवड्यात आठ प्रयोगांमध्ये १,६६३,८९५ डॉलर इतकी प्रचंड कमाई केली गेली.

पत्ता : २४९ (W) ४५ वा पथ, न्यूयॉर्क, एनवाय (NY) १००३६, युनायटेड स्टेट्स
संपर्क : टेलीचार्ज : (+) १ २१२-२३९-६२००

— आदित्य दि. संभूस (कलाकार, दिग्दर्शक, लेखक) 

Imperial Theatre (2000-2001) House
Photo: Whitney Cox
Property of Shubert Archive