जीवन एक “जाते”

जात्याच्या पात्यामध्ये, भरडला जाई दाणा  ।

दोन चाकांत येईल,  मोडेल त्याचा कणा  ।।

जीवन मृत्यूची चाके,  सतत फिरत राही  ।

येई जो मध्ये त्याच्या,  मागे न उरेल काही  ।।

मध्यभागी राही स्थिर,  आंस त्यास म्हणती  ।

वरचे चाक फिरे,  त्याच्या भोवती  ।।

आंसाजवळील दाणा,  दूर तो चाकापासूनी  ।

परिणाम चाकाचा तो होईल,  मग कोठूनी  ।।

जन्म मृत्यूची चाके,  ईश्वर हा फिरवतो  ।

जवळीक त्याची मिळता,  दु:खातून मुक्त होतो  ।।

डॉ. भगवान नागापूरकर

९००४०७९८५०