कळसूत्री बाहुल्या

नाचत होत्या दोन बाहुल्या, इकडून तिकडे  ।
टकमक पाहात हांसत  होत्या,  चोहीकडे  ।।

झीम्मा खेळे, फुगडी खेळे,  गरगर फिरती  ।
हातवारे करुन त्या,  माना डोलावती  ।।

जवळ येवून गुजगोष्टी,  सांगे एकमेकींना  ।
सासू नणंद यांच्या,  कुलंगड्या काढतांना  ।।

सुख दुःखाच्या कथा,  सांगितल्या त्यांनीं  ।
कांहीतरी करुन दाखवूं, वदल्या दोघीजणी  ।।

अज्ञानी गरीब बिचाऱ्या,  जेंव्हा संकल्प करती  ।
कळसूत्री बाहुल्या त्या,  दोर इतरां हातीं  ।।

डॉ. भगवान नागापूरकर
संपर्क – ९००४०७९८५०
bknagapurkar@gmail.com