खेचून मिळवा

तो तर देत नसतो कांहीं,
घ्यावे लागते खेचूनी  ।
शक्ती लावूनी खेचा सारे,
देईल परि ढील सोडूनी  ।।१।।

जरी असला दयेचा सागर,
केवळ मागणें मान्य नसे  ।
तुटून तुमचे प्रयत्न होता,
ओजळीने तो देत दिसे  ।।२।।

व्यर्थ घालवी जीवन कांही,
स्वार्थीपणाच्या मागणी पायी  ।
वेडे ठराल तुम्हींच परि,
काळ मात्र कधी थांबत नाही  ।।३।।

धडपड करा, लुटून घ्या
सांघिकतेच्या भूमिकेतूनी  ।
जाच न होई दुजास त्याचा,
हीच भावना उरी बाळगूनी  ।।४।।

— डॉ. भगवान नागापूरकर 
९००४०७९८५०
bknagapurkar@gmail.com