भरल्या ह्रदयी ओल्या नयनी
निरोप देई देवकी माता
भगवंताचे रक्षण करण्या, विनवी वेडी माया ममता. //धृ//
आकाशवाणीने बोले श्रीहरी
देवकीचे तो येईल उदरी
संहार करण्या दुष्टजनाचा
ईश्र्वर अवतरे ह्या जगता //१//
भगवंताचे रक्षण करण्या, विनवी वेडी माया ममता.
रक्षक सारे निद्रिस्त केले
कारागृहाचे दार उघडले
मार्ग दिसे वसुदेवाला परि
प्रभू शक्तीचे दर्शन धडता //२ //
भगवंताचे रक्षण करण्या, विनवी वेडी माया ममता.
उचलून नेई बाल प्रभूला
नंदाघरी तो ठेवून आला
चमत्कार तो दिसला नयनी
खंत कशाला बाळगी आता //३//
भगवंताचे रक्षण करण्या, विनवी वेडी माया ममता.
डॉ. भगवान नागापूरकर
संपर्क – ९००४०७९८५०
Leave a Reply