मंदिराचे दार (अलक)

मंदिराचे दार बंद होते .
आदिशक्ती देवीच्या गळ्यातील हारावर अश्रू ओघळल्याने , हार , फुले दीनवाणी होऊन गेली होती . बंद दाराबाहेर अनेक भाविक योग्य ते अंतर राखून रांगेत उभे होते . देवीचं दर्शन झालं नाही म्हणून मनोमन रडत होते . हात जोडून जडशीळ पायानं परतत होते .
— आणि रस्त्याच्या पलीकडच्या बाजुला अस्ताव्यस्त गर्दी उसळली होती . नेत्याने दारूच्या दुकानाची फीत कापली आणि बार मालकाने मोठा काउंटर ओपन केला .
आणि झिंगण्यासाठी आतुरलेले सगळे काउंटरजवळ घुसले …

— डॉ. श्रीकृष्ण जोशी