मार्गारेट नाईटचा जन्म 19 एप्रिल 1920 रोजी पॅरिस येथे झाला. तिचे सांकेतिक नाव निकोल होते.ती वुमन ट्रान्सपोर्ट सर्विस मध्ये काम करीत असे. 1944 मध्ये तिने ब्रिटिश गुप्तहेर संघटना एसओई या संघटनेने एका हॉटेलमध्ये तिचे उत्तम फ्रेंच ऐकून तिला एसओई मध्ये दाखला घेण्यास सांगितले. तिने स्पेशल ऑपरेशन्स एक्सेकयूटीव या ब्रिटनमधील दुसऱ्या महायुद्धात सुरू केलेल्या गुप्तहेर संघटनेत प्रवेश घेतला. ती तारीख होती 11 एप्रिल 1944. पॅरॅशूट मधून उडी घेण्याची भरपूर सराव करून घेतल्यावर तिला जर्मनीने काबिज केलेल्या विनसी फ्रांसमध्ये सीक्रेट ब्रिटिश कुरियर म्हणून उतरवण्यात आले.
निकोल ह्या टोपणनावाने तिने खेचरामार्फत मालवाहतूक करण्याचे काम केले. तिने जून 1944 मध्ये नॉर्मनडी येथे युद्धभूमीतून गुप्त संदेश पोचवण्यासाठी येजा केली जे अतिशय जोखमीचे काम होते.फ्रेंच उठाववाद्या बरोबर नॉर्मनडी येथे तिने जर्मन सैन्यावर स्टेन गनने फायरिंग करण्यात स्वता भाग घेतला. जुलै 1944 मध्ये ती व तिचे 30 फ्रेंच साथीदार यांना जर्मनीचा वेढा फोडून गुप्तपणे पळून जायचे होते. पण त्यांचा साथीदार रॉजर बरडेट याने दगाबाजी केली. योजनेची खबर नाझीना दिली तरी ते पळून गेले. पुढे रॉजर ला अटक झाली आणि मृत्युदंड फर्मावण्यात आला,पण तो नंतर रद्द झाला.त्याला पुढे 1955 मध्ये मुक्त करण्यात आले. साल 2004 मध्ये तिचा मृत्यू झाला. मार्गरेटने बजावलेल्या कामगिरी बद्दल ब्रिटन फ्रांस व अमेरिके तर्फे पुरस्कार देण्यात आले. ते पुढील प्रमाणे होते.
1 ) The Most Excellent Order of the British Empire,[5] 2) the Croix de Guerre, 3 ) the Presidential Medal of Freedom.
–रवींद्र शरद वाळिंबे
Leave a Reply