निसर्ग स्वभावाचे दर्शन

बहूमोल निसर्ग ठेव, निरनिराळे स्वभाव

उमटविती भाव    मनावर आमच्या     ||१||

चांदण्याची शितलता, मनाची प्रफूल्लता

देहाची आल्हादकता    लाभली चंद्राचे ठायी ||२||

नाजूक सहवास, मधूर मिळे वास,

कोमलतेचा भास    जाणविला फूलांनी    ||३||

रंगाची विविधता, छटाची आकर्षकता,

मनाची वेधता    इंद्रधनुष्य देई    || ४||

पळण्याची चपलता, फिरण्याची चंचलता,

वेगाची तीव्रता,    भासे हरिणाच्या पायी    ||५||

प्रवाहाची संथता, पाण्याची खळखळता,

स्वभावाची निर्मलता,    समजली नदीमुळे     ||६||

शक्तीचे दर्शन, क्रूरता भयान,

निर्दयतेची जाण,    दिसली हिंस्त्र पशूत    ||७||

जीवनाची प्रेमलता, हृदयातील अक्षरता,

भावनेची कोमलता    मातेच्या रुपाने मिळाली    ||८||

डॉ. भगवान नागापूरकर

९००४०७९८५०