नियतीची चाकोरी

अथांग सारे विश्व हे, असंख्य त्याचे व्यवहार  ।
कसे चालते अविरत, कुणा न कधी कळणार  ।।

खंड न पडता केव्हाही, सूर्य-चंद्र येई आकाशी  ।
वादळ वारा ऋतू बदले,  चूक न होई त्यांत जराशी  ।।

घटना घडे पुन्हा पुन्हा, आकार रूपे बदलत  ।
हर घटनेचे वलय, फिरे एकची चाकोरीत  ।।

प्रत्येक कालक्रमणाच्या आखून,  दिल्या मर्यादा  ।
ठेवी अडकवून त्यामध्ये, सर्वाना नियती सदा  ।।

जरी भासे नवीन कुणा,  नाविन्य सारे त्याचेसाठी  ।
बघत नाही जूनेपण तो,  येई नंतर त्याचे पाठी  ।।

डॉ. भगवान नागापूरकर
९००४०७९८५०