प्रत्येकाचा पाऊस वेगळा असतो

प्रत्येकाचा पाऊस वेगळा असतो!!

मनाला आनंदाने स्पर्शून जाणारा असतो!

पाऊस कसा असतो ?

घन भरुन आभाळी दाटून येतो.

मेघातून किरणे सोडत सरीतून बरसतो!!

प्रियकर प्रेयसीच्या डोळ्यांत चिंब भिजून असतो!!

पाऊस सगळ्यांचा असतो.

लहान,थोर स्त्री, पुरुष प्रत्येकाचा पाऊस

वेगळा असतो.

पाऊस वेल्हाळ असतो.

नवं तारुण्यातील युवतीला बेफाम बनवतो! स्त्रीला अवखळ बनवतो.

निरागस बलिकेला अल्लल्ड बनवतो!!

पाऊस तन मनात, रोमारोमात असतो.

रानोवानी चिंब भिजणाऱ्या सळसळत्या तारुण्य उपभोगणाऱ्या मुलांमध्ये असतो !!

असा हा पाऊस चैतन्य उत्साह भरुन तन गंधित करणारा कितीही भिजा मनाला भुरळ पाडणारा!!