पुण्ण्याचा साठा

खिशांत माझ्या पडली होती,

सुटी नाणी काही,

वस्तूंची ती खरेदी करण्या,

सर्व बाजार पाही ।।१।।

 

सराफ्याच्या दुकानी दिसला,

एक हिऱ्याचा हार,

डोळे माझे चमकूनी गेले,

फिरती गरगर ।।२।।

 

दाम विक्रीचे जाणूनी घेता,

हताश मी झालो,

हातातील धनाचे मोजमाप,

करू मी न शकलो ।।३।।

 

दोन वेळची पूजा करूनी,

जप माळ जपती,

खूप साचले पुण्य आपले,

हे कांहीं समजती ।।४।।

 

कसा मिळेल ईश्वर त्यांना,

तपोबलाच्या अभावी,

जन्मोजन्मीचे पुण्य साचता,

दर्शन मिळे प्रभावी ।।५।।

 

डॉ. भगवान नागापूरकर

९००४०७९८५०