सळसळली पाने ऋतू हिरवा बावरा

नटली वसुंधरा शेला हिरवा ल्याला

उमलल्या कळ्या धुंदीत चैतन्य सळसळला

आनंदाचे गाणे पक्षी उंच आकाशी विहारता

बगळ्यांची माळ फुले एका ओळीत बद्धता

पानोपानी बहरला निसर्ग भवताल सारा

खुणावे मन अलगद हे पाहून नजर फुलोरा

उधळून मोती सौंदर्य मोहक खुलवी नजारा

देवाने निर्मिली ही सुंदर मनोहर निसर्ग सत्ता

कोण न यावर अधिकारी माणूसही असे खुजा

निसर्गाचे लेणे सुरेख हे पहावे नतमस्तक होता

सृजनाचा सोहळा सारा रंगीत बेधुंद नटला

नजर थबकेल पाहून हा रंगीत बेधुंद निसर्ग सोहळा