सत्य आत्मा

आता क्षणक्षण येणारा
नित्य आनंदात जगावा

जन्म हीच कृपा ईश्वरी
प्रारब्धा झेलित जगावा

जे भोगले तेच सुख होते
दुःखाचा लवलेश नसावा

जरी कुणी कसे वागले
संयम विचारी राखावा

समजावित मनांतराला
विवके, जन्म सावरावा

संचिताचा, कर्मसोहळा
याची देही डोळी पहावा

जन्मासवेच अटळ मृत्यु
अर्थ जीवनाचा जाणावा

सृष्टितील श्वास मर्त्य सारे
एक आत्मा सत्य जाणावा

— वि.ग.सातपुते (भावकवी)

9766544908

रचना क्र. २४६

२४/९/२०२२