सत्य सुर्यप्रकाशी

शब्द जरी जाहले अबोल
मौनी मन, मनाशी बोलते

द्वंद्व! ते सत्य, असत्याचे
जीवाला सदा खात असते

कर्म! मनी बिलोरी आरसा
स्वचे, खरे प्रतिबिंब दिसते

जरी प्रतारणा जगाशी केली
सत्यता उरीची जीवा छळते

सर्वांती नोंदणी ती चंद्रगुप्ती
लेखाजोखा, सामोरी मांडते

जन्म! कर्म विवेकी, संचिती
अर्थ! मुक्ती, मोक्षाचा सांगते

प्रीती, सद्भावना सदा सांगाती
सत्य! सूर्यप्रकाशी समोर येते

— वि. ग. सातपुते. (भावकवी)

9766544908

रचना क्र. ३९.

८ – २ – २०२२.