स्वच्छंदी जीवन

चिमण्या आल्या दोन कोठूनी,
बांधून गेल्या घरटे  ।
खेळूनी नाचूनी,
चिव चिव गाणे गात वाटे  ।।१।।

झाडावरती उंच बसूनी,
रात्र घालवी हलके हलके  ।
दाणा टिपणे पाणी पिणे,
स्वछंदाचे घेवूनी झोके  ।।२।।

संसार चक्र  भोवती पडता,
गेल्या दोघी त्यातच गुंतूनी  ।
नव पिल्लाच्या सेवेसाठी,
घरटे केले काड्या आणूनी  ।।३।।

पिल्लांना त्या पंख फुटता,
उडूनी गेल्या घरटे सोडूनी  ।
अल्प काळाचे बंधन तोडीत,
जगण्या पुनरपी स्वच्छंदानी  ।।४।।

डॉ. भगवान नागापूरकर 
९००४०७९८५०
bknagapurkar@gmail.com